زمن غدّار
آه منّك يازمن غدّار
اللي مرمروني بالزمان كتار
عطيتن دم من قلبي الحزين
صاروا يبخلوا بالمرحبا ياجار
وبعد غياب من العمر خمسين
منِّك ياعمري جاءت الأخبار
جايي إلك ياضو. هالعينين
تانمشي سوا لآخر المشوار
ياما نطرتك عالشط عمر وسنين
وصارت عيوني لزورقك بحّار
يابعد عمري لاتطبقي الجفنين
حبك بقلبي دائما إعصار
يامالكة الروح فتحي للصدر زرين
تركيني اقطف من ورودو زرار
جعلي قبري عامفرق النهدين
حطّي عالقبر إكليل ورد وغار
كتبي يامنيتي عالشاهدة سطرين
آه منّك يازمن غدّار
عشنا عالأمل أعوام وسنين
ولمّا رجعنا انتهى المشوار
تبقى حبيبي وتعيش العمر عمرين
وننسى سوا الغياب واللي صار
خدني لصدرك ضم بالزندين
وبيدك حبيبي فتاح باب الدار
نلاقي الأهل والأحباب منتظرين
تايفرحوا بفرحنا ونجدد المشوار
بقلمي
(احمدشرباابوفراس)
ليست هناك تعليقات:
إرسال تعليق