بلاش كسوف
شايفك حبيبتي من بعيد
شايله الورود
ماشية لوحدك في الطريق
بدون رفيق بدون ونس
حبيت أقرب خطوطي لخطوطك
شفت ف عيونك شيء جميل
شفت ف عيونك نور وليل متجمعين
شوفت الكسوف شفت الخجل
حبيت أقولك لو بنظرة كلمة صفا
كلمه تحاول تجذبك أو تندهك
لحظة لقا
مش سامعة حاجة مش سامعة ليه ؟
ماشية في حالها سابقة خيالها
حبيت أشوفها وأشوف عيونها
أشوف لي ضحكة أو حتى بسمة
وفضلت ماشي من بعيد
أحاول أسبق خطوطي
جريت بسرعة يمكن أقرب م الحبيب
أخاف يغيب عن عيني وأرجع سكتي
بلوعتي
لقتني واقف جنبها بضحكلها
ضحكتلي وبصت بالكسوف بسمة وخوف
مالي عونيها الخجلانين
جريت أوام زي الحمام
طايرة بتسبق الهوا
فرحت عيوني دابت ظنوني
وفضلت واقف فرحان سعيد
أكيد هاشوفها من حديد
سألت قلبي ايه العمل ؟
قالي ده حبك والأمل
مشيت وراجع فرحان بغني
ياريت يارب طيفها يقابلني
كسوفها شد قلبي ليها نظرة عيونها الطيبين
وتبقى ليا وأبقى ليها طول السنين
لهفة وحنين
انثي = نظرة +كسوف +خجل =إعجاب حب +نعومة+موده+أحترااااااام
بقلم / عماد سيد
ليست هناك تعليقات:
إرسال تعليق