زجل
فتحتلك كل بوابي
عاش البي اللي
ويلي هالمربيكي
فتحتلك كل بوابي
ماسكرت البوابه
نطرتك على شبابيكي
جبتلك بكرات الصوف
خيطك بإيدي ملفوف
قلبك لساتوملهوف
بالمغزل شالي تتحيكي
كل ليلي تحت الشباك
أهمسلك وحاكيكي
وعند الفجريه بكير
شعرك مع الهوا يطير
راعي سارح ببكاكير
وتسمعين صياح ديكي
يسلم هاللي مربيكي
غزلك ياغزاله همسات
حاملك كل الرايات
عطرك عبى قراني
البات
تعي ياست البنات
تخبي بحضني دفيكي
جبتلك فستان حرير
ملون لون الأزاهير
وفرشتلك قلبي سرير
وطوقتيني بإيديكي
الليلي بحارتناالسهره
صهيل ورقصات المهره
الدنيا عم تثلج بره
وقعتي وكسرتي الجره
شعرك أسود متل الليل
ووجهك نورونجم
سهيل
ماحلا الكحله والحمره
لاتخافي من عتم الليل
خصرك بالرقصه ياحليل
اللي يعاديكي شاف الويل
وعلى حصاني بوديكي
اهداء بقلمي
سليمان أبألحسن
المكزون
ليست هناك تعليقات:
إرسال تعليق