ناس جعانة وديما صايمة
وناس عيشتها رومي وفراخ
ور يَش ومحاشي وملوخية
لا فول وفلافل ولا مش بدوده
تشوفه كده ف طبق المرتاح
عظيمة يادنيا شكلك يفرح
مشياها كده عكس الإصلاح
ال ماشي جواك داخل حيطة
ما داري بنفسه مسا وصباح
على لقمة عيش ماشي يدور
شبابة راح وقلبه شاخ
ولاد العز ماسابوا الدقة
خلوا الفقير وقع داخ
قسموا التركة كده ف الغفله
وقالوا للفقير العيشة كفاح
لحد امتى الفقير هايكافح
ومعاكم الضبة والمفتاح
زمان ف عصر السادة المماليك
دبحوا عجل مضروب بسلاح
قالوا للفقير اتفضل حقك
قال ومالوا طلما فيه سماح
سنين طويلة ملهاش أخر
الظلم فيها سيف دباح
ف أيد الظالم وكل حبيبه
وكل مكان فيه تمساح
يال أنته بتاكل وضربها طناش
أمتى هاتعقل وتبقا متاح
وتشوف الدنيا بنظرة جديدة
مع الفقير والغلبان السواح
الدّنيا نصبت عليهم شَبَكة
جواها صيداهم بقوا اشباح
ليه يادنيا واخداها كده عافية
وفيك ناس عيشتها نواح
ناس جعانة وديما صايمة
بقلمي / جمال حلمي ابراهيم عامر
ليست هناك تعليقات:
إرسال تعليق