على فين واخدنا يادنيا
كل يوم فيكي الجديد
كل يوم شاغله بالنا
وكل ساعة دمع ونحيب
بشوف دموعة أعزي نفسي
واعاتبها عَتاب شديد
يوم الفقير دهر يادنيا
وعيشته تُشرخ الوريد
أهدي يادنيا على الغلابة
وخلي قلبك لبن حليب
يوم بيبكوا على اللي كان
ويوم يقولوا مفيش جديد
لا حد منهم عايش حياته
ولا حد طلب شيء عجيب
ليه يادنيا ماسكة فيهم
وضربه عليهم سور حديد
فين الرحمة والمودة
فين الكرم فين القلوب
دموع الفقير نار هاتشوي
قلب العنيد والرهيب
كل دمعه نزله منه
بتقول يارب بك أهيب
أصحى يا نايم من منامك
العمر لحظة والموت قريب
قبل منك قال ياصحة
وركب عناده مات وحيد
شاف نهاية شلت دماغة
ساعة الصفر مفيش عنيد
جوه القبر مات الكلام
العمل بس هو المفيد
دنيا ماشية في حته تانيه
والظلم فيها أمره غريب
فيه أيه ياللي أنته ناسي
يوم الوداع خليك لبيب
الفقير مش أنته ربه
ولا اللي خلقه بلاش تغيب
( على فين واخدنا يادنيا )
بقلمي جمال حلمي ابراهيم عامر
ليست هناك تعليقات:
إرسال تعليق