إتكلمي
بقلمي يحيى حسين
إتكلمي واشكي
اللي فيك
ضروري أنا أسمع
لازم طبعا أراضيك
ادوق الملح من نهرك
اتعذب أنا بقهرك
وما أخد منك غير الدمع
وشوك زهر أراضيك
وأنا بحزني مين أهتم
وريد مقطوع وشريان دم
ولو مرة جيت اشكي
ولهمي أنا أحكي
تقوم الدنيا تعاتبني
وتقول عيب عليك اتلم
اداري الحزن في ضلوعي
ارخي الحلم وقلوعي
واعوم وحدي مع التيار
بلا مركب وضوء وفنار
وانكوي بنار الشوق
واخنق دمعي كشموعي
أنا نفسي يا حبيبتي
في حضنك مرة يسمعني
نفسي اترمي في صدرك
وقلبك مرة كده يسعني
نفسي تكوني زي الأم
تحس بضعفي بيه تهتم
ولكن عارف إن دا حلم
وياما بوهمه ضيعني
يحيى حسين القاهرة
6 يوليو 2020
ليست هناك تعليقات:
إرسال تعليق