أنا بشر
عبدالله رجب ابوعدنان
لا أنا نبي ولا حتى ولي
لأني بشر بنحت ف الصخر
زادي وزوادي الصبر
اتألا على نار وجمر
ولسه ياما أخد عبر
وبقت المشاعر حساب وجبر
ومرض القلب بعد ما كان عفي
بغلط وبسامح واكره الكلام الجارح
طول الوقت شارد الذهن وسارح
الحضن اتغير عن امبارح
ولعب باخواتي اللهو الخفي
ممكن أكون عشوائي
إنما قلبي طيب و هوائي
وبعشق كل ما هو نسائي
بجد النص الحلو بيدفي
رسمتها ع الحيطان
شخابيط وألوان
ضحكه حلوه وجنان
نرفزه وصياح وزهقان
هيا الحليله والجميله
القريبه و البعيده
السكن والوطن والحضن
هيا الشوق والحنان
ورغم قساوه الأيام بتحلي
ليست هناك تعليقات:
إرسال تعليق