فاسدون
دولة عمى أمين
جزء ثالث
عمى أمين قال ياهنية
بس الصبر شويه شويه
تبقي مدير عام حاجه عاديه
فاضل كام يوم على الجمعيه
بصي وشوفي الحركه الجايه
حركات عمى أمين مدروسه
ضد الكسر وضد الميه
كل أوامرك فيها مجابه
حتى الواد بن فتحيه
يبقى مدير عام أيوه ياهنيه
كلم أمه وهي قالتلي
وأنت عارفه أمه فتحيه
مش لميتي الغله قوليلي
فاضل كام قرص طعميه
قولي للكلب الكناس
والمسخم أخوه الباز
قرارات عمى أمين فوريه
نفذ فورا بلا تأخير
وبلاش يزعل عمي أمين
خلي سنتهم تمشي بخير
دولة عمى أمين ياهنيه
دوله قويه دوله عافيه
ما تهزها أبدا جمعيه
ولا كلام ع سوشيل ميديه
شعر
على ابو السعود
ليست هناك تعليقات:
إرسال تعليق