المهموم
في الدنيا أنا وحدي
بنادي مش سامعين
قريب أنا من لحدي
وأسيب ولادي لمين
من غيري هنا ضايعين
صغار ضعاف مساكين
عمري ما خفت الموت
دلوقتي بقيت خواف
يا صاحب الملكوت
ما ليهم غيري أكتاف
وهما ليا شغاف
طهر ونقاء شفاف
كنت أنا الظالم
تمنيت بنين وبنات
وسألتك يا عالم
استخرت بالصلوات
إبتلتني بإبتلاءات
كبيرها شرب مغات
بقيت أنا الشايف
لا أمومة ولا حنية
لا سند وبقيت خايف
زوجة ناشز أنانية
بمرضنا شاربة قسية
لا تربي وكمان نكدية
دلوقتي أنا الشايخ
بقيت أنا المهزوم
بمرضي بيهم دايخ
وبكرة ما حقدر أقوم
أبعدهم واعيش محروم
وأموت بيهم مهموم
يحيى حسين القاهرة
18 أغسطس 2025
ليست هناك تعليقات:
إرسال تعليق