الحزن مالى قلبى
وأنا ليه الحزن مالى قلبى
وأرجع تانى أخبى
نار شوقى و حبى
و غدرك وقت صدقى
و اكلمك وأنت مش سامع
و اعاتبك و أتمنى تراضينى
و صورتك مابتفارق عينى
وبعدى عنك معاك ولا فارق
وطيفك مصاحب أحلامى
وأنده عليك أرجع تانى
يا غايب ..
ومعاك الفرحه غايبه
أهرب على فين من أفكارى
وحنينى غالبنى وقلبى ضدى
أحارب فيك وقلبى يحاربنى
قلبى أعلن عليا العصيان
تمرد عليا وبيتحدانى
ويقولى مليش حبيب تانى
أقوله يا ريته نصيبى
هو مجرد حلم وتفسيره
يوم .. شهر.. سنه ..و راحل
وهى دى نهاية حكايتى
وأرجع وحدى والحزن مالينى
و أراجع أيامى و سنينى
كام ذكرى حلوه وكام ذكرى مره
كل الذكريات الحلوة معاك
والأجمل اللى عيشته وياك
مكتوب أعيش على ذكراك
عايشه حزينه ومشتاقه
وأقول لنفسى أتحملى
كونى صابوره و بالصبر أتجملى
كلها شهور وتنسى
وسيبى نفسك للنسيان
يمكن يكون بكره أمان
وتنتهى كل الألام
يمكن يظهر نجم جديد
بنوره يقضى على الظلام
وتبدأ أول أيام العيد
فرحه جديدة وحلم وليد
ولا حد يعرف عنوانى
ولا حد يدق عليا بابى إلا أحبابى
ولا أعرف الحزن تانى
ليلى رزق
ليست هناك تعليقات:
إرسال تعليق