خيطان
مكتوب عليا أزرع ما انول
وقت الحصاد أجني العذاب
وليه أقول وأكون رسول
مسجون بسجن بألف باب
أفتح في باب يقفلي باب
أصرخ دا ظلم صمت الجواب
مكتوب عليا ابقى السجين
زنزانة ضلمة برد وحيطان
مكتوب عليها مر السنين
مرسوم عليها زهرة بغيطان
تنده الحنين يقول دي مين
أكيد دا وهم صوت الشيطان
وسواس حنيني بيزيد انيني
مربوط وحلمي دمية وخيطان
يحيى حسين القاهرة
31 مايو 2025
ليست هناك تعليقات:
إرسال تعليق