زواج جائز
قال سوزي حبّت علي
وراحت معو خطيفي
يا دلّي ملّا بهدلي
بين جانيت وعفيفي
ما بدّن هيِّ تنحل
ولا بكلمة لطيفي
الحق كلّو على علي
وأنا بنتي شريفي
حاجي تحتدّي هالأد
ومفكرة حالك ظريفي
خلينا نلم الموضوع
ونظبّطلو توليفي
وزواجن يصبح مشروع
بقاضي ولمّة وتشريفي
وبيشهد اتنين شهود
وتصير العاصفة خفيفي
سوزي لعلي بتجوز
والسهرة دبكة وتصقيفي
وبهيك تسكّر الموضوع
وتعليقاتو السخيفي
زواجن مش باطل بيجوز
شرعاً ومش من تأليفي
فاطمة البلطجي
لبنان/صيدا
ليست هناك تعليقات:
إرسال تعليق