أنا المواطن
أنا المواطن اللي ساكن
فوق ظروف كل الحروف
أنا المؤيد أنا المعارض
أنا اللي راكن علي الرفوف
أنا الرصيف اللي اترصف من كسر ضهري
كلمة تاخدني في السما إلي أبعد حد
كلمة تجيبني علي الملا إلي سابع أرض
الصح بقي شكل الغلط
والدم بالمية اتخلط
طب فين هوية البلد
البنت تاهت والولد
كبروا لقونا بنستلف
وعدو بديلنا المدد
عكس التاريخ اللي اندرس
عكس الفوارس على الفرس
طب فين مهمة الحرس ؟؟
معقولة ماسمعتش الجرس ؟؟
معقولة ماسمعتش الجرس ؟؟
........كلمات... صلاح توفيق
ليست هناك تعليقات:
إرسال تعليق