يا مؤمنين
يا مؤمنين بالرحمن
قلبي نازف غم
جنب الفقير مدبوح
بكسر كاس الهم
قوم ياضمير الوطن
اصرخ وثور عالعفن
عدلك ميزانه في كفن
والبوح كفيف وأصم
الخوف في وسط الظلام
مستني ينطق همس
لابس قناع الغمام
خايف تبان الشمس
ويعيني على المكسور
الي اتولد مقهور
خايف في ليل مذعور
ولا حد بيه مهتم
صوت التغيير لو قام
بيقوم يومين وينام
مانعينه م الحلام
مانعين جراحة تلم
عيد ياعدل قوتك
افرش أمانك ضل
ماتسيبش سكان عشتك
تحت الإرهاب والذل
يا كارهين الإسلام
قلبي نازف دم
عصام قابيل
ليست هناك تعليقات:
إرسال تعليق