زجل
عم تنسف قمحيي
البركه تهز بدياتا
حليباتا وسمناتا
برغل بأطباق القش
ونومي بمرجوحه
وبالعش
شواشتقتلا ياخيي
ضحكتها وطلة وجها
كليتا فرحه وبهجا
ترعى المعزه والنعجا ه
بحطا بقلبي وعنيي
لما تغربل بالغربال
شوتخطر أمي عالبال
وجه منور متل هلال
هاكي القامه المحنيي
شقدي حلوه ريحتها
وشو شريفه بركتها
لما تحمل جرتها
متل الشمس المضويي
لما تخبز عالتنور
رغيف بيضوي متل
النور
جمرات وقبسات الطور
بتيابا بتفوح عطور
كلا حب وحنيي
قديش علي بتخاف
دنيا سحسوح ونفناف
بدوير وبيت الوقاف
والمساقي وجدارات
تسلملي
هاكي الحارات
لا تكسي ولاسيارات
وزلابيي وسيالات
ولياليهاوصباحات
شو دقتني البرديي
بقلمي
سليمان. أباالحسن
المكزون
ليست هناك تعليقات:
إرسال تعليق