مناجاة وطن
*******
يابلدي ياللي عمرك
ما لنتي في يوم لينا
تعبتي قلوبنا ودمعت ليكي عنينا
وشوفنا الويل في أحزانك
ولبسنا الغامق من ألوانك
ده كله عشان إحنا سكانك
وننام بهمومنا في أحضانك
ليه بقى ياشيخة كفاية
ده إحنا برضه محاسيبك
يا عصية على أولادك
إحنا وغلوتك مجاذيبك
ومهما عملتي فينا وظلمتينا ما حنسيبك
مكتوبة علينا وشايلينك في عينينا
يا كل بختنا خدنا من همومك حظنا
ريحي ياغالية قلبنا وامسحي بايدك دمعنا
الكيل طفح كيلين والحزن بقى حزنين
سيبانا ورايحة لفين بجد يامصر.. وحشتينا.
مصطفى عبد النبى
ليست هناك تعليقات:
إرسال تعليق