قشطة يا مان
*********************
مين ياأخوانا يفرح ليا
ويهدي ل ياسر كام فدان
يزرع فيهم قمح وبردو
ونجيب بردو مواشي بتحلب
تحلب ليهم هدى ومنال
يعملوا جبنة ويعملو سمنه
وقشطة ياباشا وقشطه يامان
وتنزل ليلى تساعد ليا
ومعاها روح القلب هيام
كله حلال بما يرضي المولى
شرع الله فبلاش أضغان ؟
وبلاش حقد دفين يامعلم
على أمثالي من الشطار
كارهين أي نجاح لجنابنا
الفقرا المفتقرين لإيمان.
والعمال تكسب من أرضي
شغل هيبقى وطول العام ..
أما جنابي هيكتب طبعا
في اللي هداني ديوان أشعار
تفضل ذكرى وليه ماهتمحي
أي سنين وقرون وزمان
مين هيشاور عقله قولولي
دي صفقة ياسر حلوه وعال ..
بقلم
الشاعر ياسر فؤاد الجدي
الخميس .. ١٥/٦/٢٠٢٣
ليست هناك تعليقات:
إرسال تعليق