آه ياوطني
… . … .… . ……… .
وصفتك خافن قصريت وياك
ومتاكد الكل الوصف ما اوصل
أريدك ثوب الطلبة مامضمون
قالب مايجي لوكصر لو يسحل
انت معدل كشخه ورفعة راس
لا بيك لثكه ولا رگع وموصل
يتعبك المو مثلك اذا ما شاك
يظل يفرض عليك وهو مايندل
انت بالغيرة ابد ما موصوف
تلم شعر الحديثاث من ينحل
انت ويا الصبح دوم تتنافس
ونوبات يطلع وجهك الاجمل
المريض يشافى بهواك يطيب
عذيبي وعليل يصير لو شمل
من اول وجودك جسر تنهاب
إتكص السان الجسر لو طاول
دومك نبه تعرف الما مكتوب
مثل نشوفه الواضح مسجل
بلا كلام تعرف و تقره عيون
تفهم و تنطي بدون ما تسال
ما تمشي بغيرك رايك و قنعان
تهمل الما يفيدك ما تصد تجهل
من تطي سكتة ولاتكول طيت
و ابد ماديت ايدك يوم تتوسل
ولا تنحني اذا يوم مرك ضيم
جن غيم شعبك عليك لو جلجل
اليحبك ياخذل سلام بستعداد
ويكره عليك حاقد لازمك المعول
Kareem
ليست هناك تعليقات:
إرسال تعليق