المنيعي قال لو لحظه طريتك
بروزت صورتك في متحف خيالي
اجمل اوقات العمر لما رأيتك
مقبلن نحوي و تتمايل قبالي
من اول النظرات ساعتها هويتك
مادريت ياخل ويش الي جرالي
بعدها استأذنت منك وانتخيتك
وارتجيت العطف منك والوصالي
مد لي يمناك صافحني رجيتك
واسقني من مبسمك عذب الزلالي
واغمر الخاطر بلهفه لو دعيتك
طفي النيران واشواق الليالي
لك فتحت القلب ياخلي فديتك
اسكنه وارتاح واسرح وسط بالي
صار قلبي فالهواء قصرك وبيتك
يافريد النوع يازين الخصالي
ماعطيت الناس ربع اللي عطيتك
ياخشيف الريم ياعنق الغزالي
دامني بلحب والشوق احتويتك
ارحم المشتاق واترفق بحالي
كلمات الشاعر/ياسر محمد مقبل المنيعي
ليست هناك تعليقات:
إرسال تعليق