يا ليل طول
بالعامية
يا ليل طول قبل ما يزقزق العصفور
ويعبي الغيم سما ضيعتنا
يا ليل طول لنكمل السهرة
وينام الحلم خلف هاك السور
ويجن الفرح ببساتين ديرتنا
يا ليل طول والبدر يرسل نور
و صبايا الحي ترش هالمنتور
وتدبك بعرس الحب شلتنا
قومي ارقصي يا حلوتي بهالليل الطويل
ولا تتركي ظلمة الأيام تمقتنا
انت حلا انت صلا وريحة البخور
والكل يعرف طول وعمر رفقتنا
يا ليل طول وخلي الفرح شغال
قبل ما يطل الصباح ويتكتك العصفور
ويعشعش النور ببيوت ضيعتنا
ما اجمل الليل بهالحلا المنظور
انشالله المحبة والسعادة والحبور
بتضل تاج يكلل هامات شلتنا
جرجس لفلوف سورية
ليست هناك تعليقات:
إرسال تعليق