من غير قَصيدة
هقولِّك كلام
لا غَزَل فيه، ولا حتى غَرام
لا هجيب سيرة قَلبي وقلبِك
ولا روحي اللي دايبة فيكِ هُيام..
مش هقولِّك إني بَحبِك
ولا كام مَرّة قُلت عْشِقتِك
وهنسى أجيب سيرتي وسيرتِك..
غير بس حِلوة معاكِ الأيام!..
من غير قَصيدة
كلامي هَيجُر كلام..
بَحلم بيكِ وبَعاتبِك
بشكيلِك منكِ ليه هجرِك؟
وإني مَتعوّدتِش يوم على بُعدِك
ولا أقدَر منكِ على لحظِة خِصام…
من غير قَصيدة
هقولِّك كلام
أنا مهما العُمر مرَّ علَيَّ
ومهما الناس كانوا حَوالَيَّ
انتِ الواقع ، مش أحلام …
ليست هناك تعليقات:
إرسال تعليق