طبيب القلوب
شو مخلّى قلبي موجوع
ومش منتظمي دقّاتو
وخطواتو رجعت رجوع
وإستغرب من ضرباتو
الدبحة بقلبك مشروع
مش ربحاني صفقاتو
صوتو أبداً مش مسموع
وصار مهدّد بحياتو
تيتعب أكتر ممنوع
وتقيلي حركة نبضاتو
والخطر واصل للكوع
ومش معروفي علّاتو
يعني رح ننشر لضلوع
تنعرف شو حالاتو
أو إبرة تلوّن لفروع
تتخبّر عن أزماتو
نزلت من عيني لدموع
عأسرار حكاياتو
قلبي ما مشكلتو جوع
دخّن من كتر حرقاتو
فاطمة البلطجي
لبنان /صيدا
ليست هناك تعليقات:
إرسال تعليق