أستغمايه
ياسين وامنه
دول من زمنا
عيال بسيطة
لا مش حويطه
قرب وشوف
رمينا قرش
شوف مين هيلعب
ملك ولا كتابه
مافى بينا غش
كنا غلابة
نتغدى مش
والكل شاكر
وادى البدايه
لابسين بجامة ولا عبايه
الكل داس
ع الارض عادى
من غير مداس
عيشة البساطة
عشوة بطاطا
بعدين نكمل
نلعبها سيجة ولا
لعب حجله
برجل عرجه
رسمنا خط عشان ننط
اطلع يا قط
خلاص مسكتك
كانت حنان
بنت الجيران
جمال جنان
زي الغزالة
تجري وتلعب
ف الفسحاية
والام جايه
جايبه الفطير
كرم زمان
فين الزمان دا
بلاش معاندا
عاوزين نرجع
خير البلدى
ايدكم معايا
ياللى امامى
واللى ورايا
والدنيا جايه
كلمات الشاعر/
طارق جلال الحسينى
ليست هناك تعليقات:
إرسال تعليق