كبرتي بسرعة
وكبر حبي معك
قطعتي مراحل درس
وما عاد فيي لحقك
كنت قول بعدك صغيري
هلأ فردتي جناحك وكترت الناس حواليكي
بتعرفيني بطبيعتي بخاف ما حدا يلمحك
ويفكر بشي لحظةبإزعاجه يلفحك
كنتِ هاك الطفلة لمعلقة بتيابي
لبتعتل هم وبتفكّر كتير بغيابي
اليوم انت صرتي صبية
متصالحة مع نفسك وقويّة
ذكية ،فطنة،ورزينة
مثابرة ما بتحبي الهزيمة
بتمنالك دايم دوم الفرح
ولا يمّر ع قلبك زعل ولا ترح
بحبك تتخلص الدني
وبتمنالك ايام حلوةوقلب هنّي
ما تنسي رح تضلك رفيقتي
لو وين ما صرتي رح حبك ع طريقتي
يمكن بكرا تمرق ايام ما شوفك
بس الدني بتلهي وانا بعرف ظروفك
رح الحقك وكون متل ظلك
لو جيت ع نفسي ما رح قلك
قلبي ما في ينسى بنتي لحبيتها
ولعشت ايام وسنين تكبرتها وربيتها
"فاتن دياب"
لبنان
ليست هناك تعليقات:
إرسال تعليق