قالوا لى يابا انت الكبير
والكبير مايقولش اه
ياالله.... ليه...ده هو قالها بعد مافاض بيه
ليه..هو الكبير ده حجرولا صنم
من لحم ودم
وعنده احساس
وبيحس بالألم
والله انتم ماعندكم دم
طب منا شايلكم سنين
والحمل زاد والشعر شاب
والعمر قرب ينتهى
هو الكبير ف الفرح منسى
وف همكم هو اللى شايل
طب لو الكبير اشتكى
من كتر حمله وبكى
مين يمسح دمعته
مين يواسى وحدته
ولا خلاص يتنسى
ماهو بقى زى قلته
ومين يبل ريقه بكلمه حلوه
من بعد ما فضيته قلته
تصعب عليه نڤسه وتنزل دمعته
ياخدها ويملى بيها قلته
الدمع زاد وطفح من قلته
ومنين يجيب ناس يمسحوا دمعته
دمعة الكبير غاليه
وبكره تندموا على فرقته
ويفيد بأيه الكلام ده بقى زى قلته
وكل ماتفتكروه.
اشربوا حبة دموع من قلته
وإقروا الفاتحه على تربته
نبيل المصرى
ليست هناك تعليقات:
إرسال تعليق