كلاكيت كذا مرة
ظنون
مش معنى دمع عيوني سال
إني بكون م الحب بعاني
اصبر حبةعلى دا الحال
يمكن سُخن وجالي سعال
أو جاتلي رعشة ف جثماني
مش كل اللي نشوف يتقال
ولا في سيلفي مع الأماني
وفيه دموع من الأبطال
من فرحة نصر وبتعاني
أو فرحة في بعض الأحوال
انهار ولا ليها مواني
أو خوف من ربي المتعال
او لحظة في ظلِ القرآنِ
أو ذكرى في ظل جمال
مع محيا نبينا العدنانِ
أو موقف من بعض رجال
أو حن القلب لخِلاني
وكل دمعة عليها دلال
وحكاية ليها الف معاني
وكل مقام وليه مقال
ولافيش مقال يشبه تاني
فدمعي لو شفته يوم سال
لخيالك مابلاها عنانِ
عصام قابيل
ليست هناك تعليقات:
إرسال تعليق