زجل للسمرا
حداي حداي
روقي علي شوي
شوي
ظلك شجرة ومي
وفي
فداك عمري
وخي وبي
غنيتلك موالي
تربي بعزي ودلالي
وهيي كلمه منقالي
حداي حداي
حداي حداي
ظل وفيي
وزهرومي
شوي شوي
شوي شوي
صرنا قصة
أهل الحي
سرقت البوسه
من خدك
يا أمورة مين قدك
بعطيك شومابدك
خلي القصه مستورة
اكرجي كرج
احلجي حلج
زهرة تفوح بهاكي
المرج
تسلملي عيونك والوج
وقعتيني بالجورة
ياحلوة ياأمورة
يسلملي قدك والصورة
ختيار ورجعتيني
شب
جدلتلك شعراتك
صبحيه كيف حوالك
زرتيني بليل الحالك
متل جنيه لحالك
افرحي شواللي عابالك
سيرتنا بكل الحي
شوي شوي
شوي شوي
تعالي عندي
خطي خطي
نضمك من برد
كوانين
ونبقى بحب ودفيانين
لافي قيود ولافي
وعود
وما بتشملنا القوانين
نعيد عيد الميلادي
ونغني دادي دادي
حبك شرابي وزادي
والبربارة وشعانين
اسقالله لما
كنا اظغار
كل مانشوفك
عقلي طار
ونطوط متل
لسعادين
وكاس الخمرة
بالسهرة
سكرة ووهرة
عمراني
معتق بجرار الفخار
وموزع بالقراني
شوي شوي
شوي شوي
صرنا قصة
بكل الحي
للهدهد بقلمي
المكزون
ليست هناك تعليقات:
إرسال تعليق