مو كلت اجيك العصر
شو هسه ليل وما جاي
السبب كلي وما جيت
ما تدري بحالي سويت
مطلوب الي ولا وفيت
يومية الك فكرة وراي
شو هسة ليل وما جاي
الك وياي يومية عذر
مشتول ساعات نتضر
ماشفت الراحة الظهر
كافي نوم كلي براي
مو كلت اجيك العصر
شو هسة ليل وماجاي
نايم غركان بنومك
إستور بس هدومك
بهذا الوضع مالومك
ماتحمل خدودك ماي
مو كلت اجيك العصر
شو هسة ليل وماجاي
ماي الخدود وتفاح
عونه شراهن وارتاح
لا غصب لا بيها صياح
اليعصرهن يصبن ماي
مو كلت اجيك العصر
شو هسة ليل وماجاي
صف يمي هود من نام
ماكو عذر شهر صيام
واجب محسوب أ يام
الليل الك شرعا يهواي
مو كلت اجيك العصل
شو هسة ليل وماجاي
شاعرة اور
ليست هناك تعليقات:
إرسال تعليق