وأَنا مِسافر
وبَاعوا كل شئ فيكِ وأَحلى شئ فيكِ
ومِين ليكي ومين فِيكِ يِرجعنى أعيش فِيكِ
وجَعتيني بَقالى كِتير عَايش فِيكِ
ومِستنى تِضميني
مَافيش فى دماغى ولا فِكره
وعَماله تِعلى فى إللى خَانوكِ وبَاعوكِ
ورَمياني على السكه وأنا مسافر ولا فِكره
ولا دمعه ولا مَوال عن الغربه
وفى الغربه ح أكون إنسان
وكان نِفسي أعيش فِيكِ وأَكون إنسان
ظَلمتيني ظَلمتيني ودا العنوان
وخَليتي إللى بَاعوكِ فى أعلى مَكان
وكل إللى حَبوكِ قَتلتهم سَجنتيهم
طَاروا مِنك طَاروا طَيران
وأنا مِسافر ياوجَعاني ورمِياني على السكه
ورغم الهجر ورغم البعد ورغم المُر
إللى أنا شُوفته وأنا فِيكِ
لكن دَايماً بفكر فِيكِ بََحبك موت
وخايف أموت بعيد عنكِ
ياوجَعاني وظَلماني لكن فى الغربه وحشاني
شعر
على ابو السعود
ليست هناك تعليقات:
إرسال تعليق