تخيل معايا
مجرد تخيل بأني مكانهم
وإبني ضنايا يصيبه اللي صابهم
وأمي وأبويا وأختي وأخويا
مجرد تخيل تخيل معايا
يا فارسي وعجمي وبرضوا عربهم
تخيل ده إبنك حبيبك وبنتك
وروحك وكبدك ما يبقى بحسابهم ؟
يموت بقذيفة وقنابل لطيفة
وصاروخ لسخيفة ويا ريته حاربهم
ده كان جوه نايم بيحلم وهايم
بورد وجنينة ودي إنجازاتهم
وعربي وفارس وعجمي وخايف
ودول وكبيرة بتشجب خرابهم ؟
خراب دين عماهم ملوك ورعية
وصاروا ماحدش بيعمل حسابهم
وبعدوا وعدوا وغثاء ما يسدوا
وأوعاك تعاتب كلاب واللي جابهم
تخيل معايا مجرد تخيل
وقولي شعورك لو انت بمكانهم ؟
بقلم .. ياسر فؤاد الجدي
الأحد .. ٣/١٢/٢٠٢٣
ليست هناك تعليقات:
إرسال تعليق