عصفورة
عصفورة ضعيفة ومكسورة
لكن قلبها مليان أحلام
كلامها بلغة عني غريبة
بس حسيته ودي عجيبة
إن الحب و كلام القلب
بيخلي الغنوة حلوة قريبة
عصفورتي لما بتتبسم
ما تقولش موسيقى
عزف مقسم
الدنيا بترقص فرحانة
ونسيم الدنيا بنتنسم
ولما بتضعف ويا دموعها
وتشكي لقلبي بموجوعها
رغم البعد كان بيسعها
ولحضن الدنيا يرجعها
لكن عصفورتي بعيد طارت
والدنيا أكبر حداية
ياما سرقت عصافيرنا
وبقلبي عملت غداية
ندهتني غوتني أخدتني
والدنيا بتغوي ونداهة
في مغارة الذكرى سابتني
واخدت عصفورتي وياها
ما سبتش منها غير صورة
لعصفوره ضعيفة مكسوره
قلب عشقته بالصوت والصورة
يحيى حسين القاهرة
24 سبتمبر 2020
ليست هناك تعليقات:
إرسال تعليق