خيانة جلمة توجع...حيل ...خيانة
ماتجيك من العدو..لا
تجيك من الدكيت ويا ...ميانة
خيانة من العزيز دوم
من اللي ماحسبت تخسر
خيانة لو بالعسل ..تطلع مُره
تاكلها من ايد الجريب
ويتاني منك سرحانه
خيانة وشون ماتصفن الها
وتراجع وكتك ..تعض أصبعك
ندم وتكول شون لهانا
خيانة 3 خيانة الحبيب تحرك
وخيانة الصديج توجع
وخيانة الحيل ماكو مثلها
بس خيانة وطن
مابيها عزانا
خيانة أريد احجي عنها
من تلتم عليك المصايب
وتشرد لأخوك
تدك بابه ...تلكاه مسدود
وتشوفه ورة الستارة
خاتل من ورانا
خيانه....مايهمك جتالك
من يذبحك
يعز عليك اللي جنت تظن
بي الرسن مشدود
ويطلع فالت رسانا
خيانه والعرب دوم ماتخسر
الا من غدر
مايجيك من البعيد
لا أبد كله الغدر
من جيرانا
خيانة والدرب أظلم
وتشوف الضوة
حسبالك وصلت
تلاكي بيتك أحترك
وحواليك تتفرج جيرانه
خيانة من تشد ضهرك
بزلم خشنه
ويجيك المجندر
يسوكهم سوكة
وحده بعصانا
خيانة سوها كبل أخوة يوسف
وصارت سنينة
ألاخ يسرك أخو
ويبيعه برخص الثمن
أيباه شكثر رخصت
أوطانه
لاتخاف من السيف
والرمح للضعيف
والنبل بيد النذل
بسهم غدرة رمانه
خيانة من خانت الام
وخلفت شيجينه من
خلفتها غير (ا ل ن غ ل)
وصار ريس علينا
وعلانه
والجامعة لمتهم
وكعدوا وسولفوا
وطارش طلغ
من غير بيانه
علينا وعليهم
أشو رعديدو
وصرحوا وصوت
بس ماأفتهمنه
همه وياهم لو ويانه
والناس تصيح بالشوارع
وناس تبجي
وناس تستنكر
وناس تصرخ
والقصف ماوكف
والدماء سريانه
خيانة وحلاته من يحجي فلان
هيبة وصدر بالديوان
ويصفكوله ويسمعوله
وبالنهايه أنهجم
بيت فلانه
خيانه....لاأريد أطول عليكم
ولاتطول حجايتي
نزلوا من منابرهم
ولقائهم صار
موعده بالميخانه......خيانه
بقلمي ........محمد.......ميحانه ميحانه.....
ليست هناك تعليقات:
إرسال تعليق