جوه القلب
بقلمي يحيى حسين
حروفي بتنطق بكلام
في حضن الورقة مسطور
يرسم بسمة وكمان أحلام
بعيدة في القصر المهجور
والقصر بعيد وعليه سجان
وتعويذة بكلام مسحور
سوره متحوط بالجان
وعفاريت بتلف وبتدور
تايه قلبي مع سرب حمام
ووراهم خفافيش وصقور
رحلة طويلة سنين وايام
وجناحه قلبي مكسور
ورغم البرد وضباب وغمام
ومن إنه تعبان مقهور
شايل قلبي خير وسلام
لا يهمه بوابة وسور
ولو حتى اتصاب بسهام
دايما قلبي شجاع وجسور
والدنيا لو ليل وظلام
جوه القلب شعاع من نور
يحيى حسين القاهرة
28 اكتوبر 2019
ليست هناك تعليقات:
إرسال تعليق