المرأة في المجتمع
للشاعر د. علي مسلم عجمي
----------------
المجتمع و الأديان بالمرأة أشاد
و للأم قبل الأب بالصحبة .. المراد
جملة نبينا كلنا منها استفاد
الصحبة الرعاية و المودة للولاد
و الأب بعد الأم حكمة للعباد
التربية و الصبر في ليالي الشداد
صاحية و أولادها كلهم رقاد
و شاركت فرسان في يوم الجهاد
و أثبتت إنه في عليها إعتماد
دورها في المجتمع فضله كبير
طالما بتمشي على نهج الرشاد
سنة رسول الله بالدين الحنيف
دور المرأة بالمجتمع هادف شريف
خَرَّجِت أبطال ما إلها وصيف
و ربِّت نشئ معروف بالفكر النظيف
أعطت المرأة الراكزة الدور اللطيف
و ثوب الكرامة لبسته الثوب العفيف
و من رحمها أعلام بالعقل الحصيف
نشؤوا حضارة و مجتمع حر و طريف
حِمْلِت على أكتافها تقيل و خفيف
تحمَّلِت حر الصيف و جنون الخريف
بمدرسة أخلاق مجبولة بقِيَم
لسان الشرف و عيون للأعمى الكفيف
للأم شو ما قدمت إيفاء دَين
حتى و لو قدمت نور العينتين
بتظل فاضي البال بعد العين زين
و عِيشة بسعادة كاملة عالحالتين
للأم فضل كبير ..باب الجنتين
و تا قلك المفتاح وين بيكون وَين
بجنة الدنيا بتاخذو منها الرضى
و الآخرة من حِسِن بِـر الوالدين
الشاعر د. علي مسلم عجمي
لبنان
ليست هناك تعليقات:
إرسال تعليق