أتمنى تعجبكم أحبابى الغاليين
===================
صلوا على نبينا
صلوا على الهادى
لزيارته بينادى
يارب تكتبها ليا ولأحبابى
يارب يا عالم
باللى مداريه القلب
من الاشتياق دايب
أنا قلبى مليان حب
اوعدنى بزيارته
أنا رهن لإشارته
بس إنت ياربى سهل عليا الدرب
واكتبلى مرواحه لأبو ريحه فواحه
عطر وشهامه وحب
سيدنا رسول الله
يا جماله يا محلاه
دا القلب والله مناه
يبات ليلاتى حداه
ويا بخته إللى زار
حواليه ولف ودار
قاعده أنا فى الدار
وبشاهد الأنوار
من خلف الشاشه
شايفه الوشوش بتطوف
فرحه ورضا وبشاشه
والقلب يتمنى
يغسل ذنوبه هناك
يابخته إللى حداه
ياما نفسى اكون وياه
واطوف مع الطايفين
وافرد كده الكفين
وأطلب وأعيد فى القول
دا أنا نفسى والله انول
والهم عنى يزول
بقلمى/ فوقية عاشور
ليست هناك تعليقات:
إرسال تعليق