محتاج حنان
شعر/نصر سيد بدر
علي كفي قايد
من قلبي شمعة
في قلبي راشق
والنار حاسسها
في قلبي والعة
وساعات تاخدني منك ظنون
وتهجريني وأقول دى راجعة
وحتي لو إيه راح يكون؟؟
عارفة بإني عايش في حالة
وإستحالة قلبك يخون
ساعات ياخدني ساعات يجيبني
إحساس وعايشه مليان شجون
عارفة مكانك يا بنت قلبي
ساكنة لوحدك قلبي الحنون
وصدقيني لو ياخدوا عيني
حبك في قلبي مش راح يهون
تقولي عاشق إنسان خيالي
الحب أصلا نوع من الجنان
وجوه قلبي فيه جزء خالي
خايف لحبك يملاه هوان
أصل أنت عايشة في برج عالي
وأنا اللي قلبي محتاج حنان
شعر/نصر سيد بدر ..القاهره
ليست هناك تعليقات:
إرسال تعليق