ابو العيال والمرجيحة. . تأليف / ناصر يوسف عيسى
مرجحنى يا ابو العيال مرجحنى وفرحنى بكل حنية
ده أنا كنت دايماً معاك سانداك فى دنيتك ديه
ده ولادنا كبروا واتخرجوا وأصبح لكل واحد ماهيه
وقريب مش بعيد الكل هايعيش سعيد ويكون فى بيته وليه
فيها إيه لو ينصلح حالنا بعد الشقا ونقدم لبعض الهديه
والعمر دايما بيجرى وده على فكرة من بدرى وماعدش فيه غير بقيه
يارب احسن ختامنا فى كل أيامنا بعلامة وفرحة ظاهره مرئيه
واشملنا برحمتك علشان ننول جنتك احنا وأحبابنا فى صحبه مهديه
ليست هناك تعليقات:
إرسال تعليق