يا أهل الله / بقلم / نهلة ناصف

 يا أهل الله

أدوني راحة وشوية أمان وسبوني أنام ..

أدوني شوية أيام من غير معاناة ..

أدوني شوية فرحة من غير أحزان ..

أدوني أشخاص علي هيئة أطمئنان من غير خذلان ..

أدوني حياة مليانة حنان ..

طب يا أهل الله مالقيش عندكو

ناس عندها شوية أخلاق زي زمان ..

ناس لسه ضميرها حي مش مات ..

ناس متصفة أخلاقها بكرم الله ..

طب يا أهل الله شوفولي

ناس لسه قلوبها صافية ونضيفة ..

ونفوسها خالية من الحقد والغيرة ..

ناس بتصونا من غير ما تبيع فينا ..

ناس تشبهلي في الحب والطيبة ..

ولا أقولكو أدوني راحة وشوية أمان وسبوني أنام .

نهلة ناصف