هونيك ضيعتنا
بعد الجسر في طلعه
وبعدا بشوي
هي بتكون..ضيعتنا
مطرح..ماغنى الحسون..وعلا
هونيك ضيعتنا
سنديانة وخرنوبه ومزار
وناس بتدعي
وبتندر
وصوره العدرا
هي ضيعتنا
اختياره تتوسل
ابنا يرجع من الغربه بقهر
وختيار بايدو
نصبه
بأي ارض بدو يزرعا
شب ومنجل
وشويه حطب هونيك ..ضيعتنا
صبيه ناطره شب
كل يوم يصبحا
ترد بحيا ...صباحك يا حلو
أرض وسهل وتله ابودرويش
وديك من أرض سعدا.. صاح
هي ضيعتنا
كنه..
وحمايه
همسات مدويه
وبقره.ام حمدان
سارحه.. بأرض طنوس
وصوت بيندا
رديا..رديا
هي ضيعتنا
ابو سامي..مصطفى درويش احمد
ليست هناك تعليقات:
إرسال تعليق