أكيد نستني
مش عارفني أكيد نستني
لو شايفني ومش عارفني
تبقى واحد زى واحد
كان زمان بيناديني أه ياصحبي
كنت فاكره جزء مني
كنت بأدعي له تملى
فى صلاتي وفى قيامي
بيلازمني فى الحقيقة و فى منامي
مر بينا الزمان بقى أفندي
بيه كبير باشا يمكن قول وزير
فلوس كتير
بيت صغير جنب مني كان زمان
بقه برج فى يوم و ليلة
بقه عنده قصر عالى فى المدينة
ناس بتمشي جنب منه تبان قليلة
الغلابة بيشفوه تقول عجيبة
شغل سيما فى البلدي نجوم كتيرة
بس يلعب زهر واحد مرة يكسب
مش ضرورى إن تتعب
فى البلدي القواعد مش بتكسب
زهر واحد بس يكسب
فى البلدي الدنيا زيطة
ناس بتهبر وناس فى حوسة
فى البلدي كل حاجة تخلص أه ببوسة
شعر
على أبو السعود
ليست هناك تعليقات:
إرسال تعليق