كتبتها
باللهجة الصعيدية
رسالة من زوجة إلى زوجها في الغربة
بلاش تعتذر
أنا شايفة وحاسة وعارفة
أو ماغضبتش لكن هفضل ساكتة
مش هأشتكي و أعيط زي العيال
ولا أدعي في الصلاة والسلام
لأ ماتخفش وماتقلقش
أنا كمان بنت أصول
للعيش والملح أصون
على الحلوة والمُرة معاك أكون
بلاش تعتذر
خلي البساط أحمدي
بلاش تصعبها عليا وعليك
مش عايزة تحكيلي أعذار
وتبرر المواقف و تزيد الحوار
أنا متأكدة إنك معايا ب روحك وقلبك
وحبي شاغل فكرك ليل ونهار
عادي يعني الموضوع دا إحنا كبار
كل اللي عايزاه منك حب وشوية دلع
معلش أصلي غاوية نعنشه وولع
مادام الحب بينا عمار والعيال مالية الدار
والصراحة بينا ومفيش أسرار
يبقى خلاص هو دا المهم وبلاش أفكار
حتى لو سبتني وسافرت
دا إنت في الغربة ياما عافرت
دا أنا ياما معاك فرحت
بلاش تكبر الموضوع أنا ما اشتكتش
دا إنت غبت علشان أحنا منتبهدلش
وعلشان تعمل عيلة لازم تجيب القرش
خلاص يا ابن الناس ماتعتذرش
ده أنا صابرة وراضية بس إنت حاول ماتغبش
علشان العين بتسأل عليك وماتدمعش
والعيال بدأت تكبر وتحتاجلك إنت أكتر من القرش
بلاش تعتذر
وأنا عارفة إنك على غيابنا ماتقدرش
لكن كل دا علشان خاطر إحنا مانتبهدلش
كارمن كارمن
ليست هناك تعليقات:
إرسال تعليق