جسد بلا روح
ما فيش جرح قدر يهزمني
وخلاني منه أبكي وانوح
بحتة جرح فاكر تألمني
لأني من صغر سني مليان مجروح
لفرحت وضحك سني الهم قاتلني
معروف إني جسد بلا روح
جرحك صحى جوايا الحنين
أنين نوحك للماضي رجعني
بسأل روحي فين رايحين
من سنين الدنيا بتلوعني
اتحجرت فعيني الدموع
لا أنا بحزن ولا أنا بفرح
الألم ساكن بين الضلوع
الفرح ما أعرفش له مطرح
الهم بيطرح ويقسم الجروح
وأنا جسد بلا روح
الهم ماليني الفرح نسيني
بيتسرسب سنيني وأنا محروم
ليوم الأقيني الفرح يجيني
ولا غابت عن سمايا الغيوم
دي حياتي إللي عايشها
اتعودت عليها وراضي بيها
لا فكرت في يوم اناقشها
اعترض عليها غير مسموح
الشكوى حايشها لمني تبوح
ويعرفوا إني جسد بلا روح
بقلب حجر خدني القدر
بلا خجل رماني بحضن الظروف
الحلم من اليأس انتحر والأمل مات من الخوف
بشنطة سفر حملت الزكريات
حبة دموع وشوية آهات
جروح مقاسي وبحور مأسي لشط ولا مراسي
شايل الهم على كتافي
من دمعتي بشرب كاسي
زادت المماشي بين الأطبا والمشافي
طالت المسافات
لو الجرح مكنش كافي
خدلك حبة طعنات تزيد الجروح
وأبقى جسد بلا روح
.....
بقلم.الشاعر
الأمير_محمود
ليست هناك تعليقات:
إرسال تعليق