كُتر العتاب
حبل المودة إتقطع لما بدا الجدال
ورحمة القلوب راحت لما بدا النزال
والحلبة دارت والحبل داب لما زاد العتاب
واللي ع الارض مال - لما وقع قال موال
خلي ودنك معايا . اسمع كلامي وافهم لُغايا
كتر العناد راح يجيب الخراب
وهوا النفس مش بكتر الكلام
اصحىٰ وفكّر
واكتب الصبح وف المسا وقبل ماتنام
قول بحبك اول ماشوفتك
ومعاك عرفت معنىٰ الغرام
اكتب كلمة هنا وابعد عن الجُرح والضنىٰ
قول سعدي وهنايا
ساكن في قلبي وجوا حشايا
اكتب كلمة حنان
اكتب للشوق والغرام واهل الحب والهيام
إجمع كل حروف الكلام
واكتب إسمي وإسمك
جوه وبره الدار وعلى كل جدار
وكلمه تطبطب وتداوي بحنيه
واحلى لحن لأغنيه
اكتب كلمه حلوه وابعد عن كل كلمه
ترن ف الودن وتأذي الإنسان
ابراهيم محمد آدم
ليست هناك تعليقات:
إرسال تعليق