سطح الصفاء
قال الشاعر :
................
اتشيك وروق فى تيابك
روقت البيت وهفضالك
خلينى دايما على بالك
انا على السطحة قعدالك
مرشوشة ترطب علشانك
بساط الارض لترحابك
اتونس بالعتبه لخطواتك
سطحة بيتنا هتحلالك
لسورها العالى يروق بالك
مفروشة الدكة لقعادك
هواها يهدى فى انفاسك
واسعة مريحة لأعصابك
اوعى تكسل فى ميعادك
موش ممكن اقبل اعذارك
منتظرة وجودى بجوارك
تهل ياقمرى بانوارك
اسقى ريحانى بحنانك
بقصارى عطشانة لوجدانك
منتظرة ترويها بهمساتك
مقموصة مقصر فى سؤالك
تعلالى وحضرلى فؤادك
ليه مخطرتش على بالك ؟
حجج بظروف ما تغفر ليك
قرياك مليح بلاش تلكيك
طيبة قلبك بتغفر ليك
بتقع بلسانك وتغمى عينيك
روحى حنونه قوام تداريك
اسبل رمشى وكسوف يناديك
روقت بيتى فى غيابك
شطورة عارفة مزجاتك
رتبت كل اللى فى بالك
بهيام متوهج لخيالك
افضى نفسى لقضيانك
شاييى بنعناعك يحلالك
من العصارى وانا قاعدالك
ليلى يمسى ويصفالك
هات التسالى مع اشواقك
والانس تفرهده ضحكاتك
يسرقنا الوقت فى طلباتك
تطيب السهرة فى توهانك
يا وسيم ورايق ياحركاتك
همسك ذوق فى حوارك
بصلى واطمن لحجاتك
دلالى زايد دير بالك
مهزار وعارفه حوراتك
قولى نكتة اضحك واجاريك
بصوت كنارى موش للديك
يزداد حبى ويشكر فيك
قولى ياحلوة طمنى عليك
مستنى مين علشان يناديك
متسلطن سارح فى افكارك
اوعى تقولى من اصحابك
شوفت بعينى مرضتش اناديك
لتقول بغير وتحمر عينيك
شافتنى بعافية قالت يافكيك
شعرها تلجى وعيونها عليك
على الكتاف بيشاغل فيك
ونغز الخدود بتلمح ليك
والماشيه هاديه تروق لعينيك
عامل نفسك ملكش شريك
اتبسم قالى ايه اللى جرالك ؟
اهدى وروقى طولى بالك
قولتله بلاش بريق بعينيك
خضنى صوتك اسم الله عليك
احمر وشى ياروحى عليك
كان هزارى بكلام تماحيك
اصل الغيرة واجبة عليك
..........................
احمد الشريف حسين
ليست هناك تعليقات:
إرسال تعليق