الثلاثاء، 30 مايو 2023

إعتذار / بقلم / يحيى حسين

 إعتذار

بقلمي يحيى حسين
بعد ما هدمتي بإيديك
إللي باقي من جدار
بعد ما شفتي في عيوني
نظرة شوق و انكسار
بعد ما رويتي الأماني
بدمع بطعم المرار
جيتي وأخدتي القرار
ملفوف بكلمة اعتذار
قد إيه النسر قاسي
لما بيعدي الجسور
ويرمي بشباكه اللعينة
فوق أعشاش الطيور
ويقتل أحاسيس جميلة
كانت جوه الصدور
لكن النسر عمره
ما أدعى نبل القرار
وجه يواسي الطيور
قال بكلمة اعتذار
قلبي بحبك أو بغيره
حيفضل مليان بالحنين
قلبي حيفضل تمللي
يتحدى تعب السنين
قلبي حيفضل يدور
قلبي حيفضل جسور
دا إنت يدوب فى حكايتي
حرف . من بين السطور
قلبي خلاص أخد القرار
إنه رافض حتى منك
إي كلمة إعتذار
يحيى حسين القاهرة
6 ديسمبر 2018


ليست هناك تعليقات:

إرسال تعليق

كرهت الأيام / بقلم / ليلى رزق

  ليلى رزق كرهت الأيام والليالي الماضيه وأكره الأيام الحاضره وأكرهك وأحبك في أعماقي وفي جنوني وأكره الظنون فيك وأكره قلبى المطعون واخيط جراح...