عيد العمل
كان العيد لبوحِّد الناس
بيعطيها قيمة وشِعلة احساس
العمال بيشتغلوا متفائلين عارفين انهم منصانين وع حقوقهم حاصلين.
صاروا بيشتغلوا صَولة بيقعدوا جولة
صار همهم يلاقوا
مورد رزق
وما عاد بدهم يطالبوا
ولا يفكّروا كيف يثبتوا
وجودهم ويحاربوا
صار التعب لاحقهم
وشغلة البال مرافقتهم
شتتوهم بالعازة
وبلقمة الخبز والحاجة
نسيوا إنوا عكتافهم بتنبنى البلاد
وإنّوا هنّي لبعَمْروا مستقبل الاولاد
هودي العمّال ليومهم عالمي
وبإسمهم بتحكي الدني
ما تخافوا رح يرجع عّزكم
وما يعود شي عسطح البسيطة يهّزكم
رح ترجع أيامكم ورهجتكم
وتضربوا إجركم بالأرض
وما حدا يستفزكم
إنتوا القوة للوطن
وبقلبكم وعكتافكم بتحيا الأمم.
"فاتن مصطفى دياب"
لبنان
ليست هناك تعليقات:
إرسال تعليق