احذري
*****
رُدي بيبان الهوى
صُدي قد ما تقدري
اجرحي وارمي الدوا
احذري نار العناد
اشتريني من البعاد
املي راح في السُهاد
لسه وقت تفكري
احذري
الضياع ليه تكتبيه
على طير ليكي شدا
الوداع ليه تبدأيه
وقت ما حبي ابتدا
أنا المشتاق ليه الفراق
وعلى التجني بتقدري
احذري
قلبي دبلت وروده
قربك ليا ندا
عدىٰ الحزن حدوده
حسك كل الرضا
مسامحك على ظنونك
ولا قايل ليه كده
يا حبيبتي لسه عايزك
انا واقف ع النِدا
انا المشتاق ليه الفراق
وعلى التجني بتقدري
أحذري
فين تلاقي زيي حبيب
انتي الهوى وانتي الطبيب
انتي احلى ما في حياتي
عايزاني ليه اكون غريب
وابعد ومكونشي قريب
البعد عنك معناه مماتي
معناه ياروحي خلصت حياتي
قربيلي يا شمس عمري
يا نور عيوني يا ضي قمري
أنا ليكي وانتي قدري
أنا بيكي حلو مُري
وآدي قلبي آهو احضنيه
مليان بحبي تعالي خُديه
وعيشي معاه واسهري
الضياع ليه تكتبيه
على طير ليكي شدا
الوداع ليه تبدأيه
وقت ما حبي ابتدا
أنا المشتاق ليه الفراق
وعلى التجني بتقدري
احذري
الشاعر السيد حسن
ليست هناك تعليقات:
إرسال تعليق