عيد المرأة
نبع الكرم كرمو عليه لزوم
وعملوه عيد ومجدو عيدو
معقول يلي الجود عندو دوم
عليه مرة بالسنة يجيدو
يلي بضحكتو شعشعو النجوم
وقمار نامو وصحو بتنهيدو
منكرمو بالعام مرة بيوم
هيدا صحيح وهيك منفيدو
نبع الكرم فاضت بخيرو كروم
وعشقو البلابل لون تغريدو
بنفحة زفيرو تبللو الغيوم
وتسابقو عالورد بجديدو
نبع الحلا بالعرب عندو هموم
تانزيحهم يلله إذا تريدو
مافي حضارة ومعرفة وعلوم
من دون يد نحطها بإيدو
شاعر العرب نادر منجة
8 3 2023
تحية لكل أمرأة تناضل من أجل الخير والحق والسلام
ليست هناك تعليقات:
إرسال تعليق