ضحكة وأحزان
الحزن اهو زى الأوجاع
ليه بس نكمل أحلامنا
أوهام وصداع
وبننسى الضحكة فى أزمتنا
ونعيش فى ضياع
ليه بس بننسى فى أحلامنا
ونتوه والسكة اهى قدامنا
مش عاوزة صراع
والضحكة تشد الروح ليها
جوا الأفراح وتخليها
مركب بشراع
وتكسر مجاديف أحزانا
من النار بنعدي بها الجنة
محلاها الضحكة نعيش بيها
ليه بس يا حزن هتستنى
دى قلوبنا خلاص دابت فرقة
وتعبنا خلاص كدا من السرقة
والدنيا الكدابة العايقة
لا بسه لنا قناع
تخطف ضحكتنا وترميها
وتجيب أحزانا وتسقيها
وتسيبنا جياع
محلاها الضحكة
أما بتطلع وسط الأوجاع
بنحس حلاوة معانيها
تخطف فى الروح وتطير بيها
وتعدى بحور
تغسل فى الضلمة ولياليها
بكفوف النور
تنده عالفجر اللى معدى
فيخش الدوور
نرجع من تانى لغناوينا
ونعدى السور
محلاها الضحكة اللى بتطلع
فى غيطان البور
تفرش فى الورد على السكة
وسط البنور
اشرف الشناوى
شاعر عاميه
المنصوره
البرامون
ليست هناك تعليقات:
إرسال تعليق