الشاعر / رضا البوشي
الوداع
الوداع بيسألك أنت فين
يا أرق من النسيم
والأشواق رافضة حتى تبتسم
تتمحي في دمعة أنين
كل حاجة عشقتها في القرب منك
كل حاجة حلمنا بيها
ذكرياتنا
حتى لون عنين ولادنا
كلها رافضة بعدك
والليالي اللي شهدت
يوم ميلاد أول هوانا
كلها مشتاقة زي
تترمي وتنام في حضنك
قلبي ليس في عنفوانه
عمر يوم ما هينسي حبك
رغم بعدك
العيون زي السحابة والدموع زي المطر
كل حاجة اتغيرت من يوم فراقنا
لا الطيور أصبحت عاشقة الغنا
ولا البشر
كل مشاعر الأشتياق
مشتاق زي لحضن قلبك
مش راح أحكي على اللي صار
كل خطوة كل سكة مشينا فيها
عاملة ثورة وميت حصار
كل دمعة وكل ضحكة عدت علينا
قالت بحبك بإختصار
صدقيني وصدقي قلبي اللي ضاع
أنا في إنتظارك كل يوم رغم الضياع
اأوعى يوم قلبك يحن لحد تاني
هاعمل إيه أنا وقتها
أنت أجمل ضحكة مخلوقة عشاني
والمشاعر اللي عايمة جوة قلبي
إيه ذنبها
غيبي يوم غيبي شهر غيبي عام
الدموع في البعد عنك
لخصت كل الكلام
مستحيل كل أيادي الوجع
تقدر في يوم تمحي نار الغرام
نار في قلبي كتمتها
أوعدك باسم الوداع باسم الفراق
اللي انكتب فوق الجبين
أوعدك راح أعيش لحبك
وانشغل بك وافتكر نفس الحنين
الوداع بيسالك انت فين
أنت فين
حن الفراق إلي عين حبيتي
واشتاق النسيم إلي عطر عبيرها
طال اشتياقي وبات الصبر يفضحني
وتسابقت دقات قلبي للقائها
أنا ما عرفت الحب إلا حين
عرفتها
ما عادت الأحلام تسعدني
ودعت قلبي حين ودعتها
وتكاثرت كل الهموم بخاطري
وتسائلت كل العيون أنسيتها
ليست هناك تعليقات:
إرسال تعليق